“Gutom, arat sa burgeran ta pre.” mao ni ahung nadunggan sa ahung amigo na si Jethro, na way gibuhat kundi maghagad nasab ug kaon. As usual.
“Gasto gyud ka kauban Je, kahibaw ka?” retort nako, kabuangan sa ni nako usa ko musugot. Syempre, gusla bitaw, kinsay di guslaon nga kadakos vacant nya wapakay pamahaw?
“Arturo, pre, sukad first year pa ta amego, wapa gihapon ka naanad na gutmanon ko?” balik niya, nagpa gwapo na ang amaw sa akong atubangan, timailhan muhunat nani pagawas.
“Gabinayot napod ka pre, di pa gabie. Tara na, basig mahutdan nakag burger ug magpacute-cute paka diha,” sulti nahu, nya dayon lakaw padulong sa gawas sa main gate.
After sa pito ka tuig, nakaabot najud mis burgeran. Pagkakita sa tindera, nalipay siya kay kami napud, suki na. Hays, paksi jud ning buy 1, take 1 ron, humot na kaayo!
“Te isa ka—”
“Te isa ka buy 1 take 1, niya dine in, separate order gihapon ana pero take out,” iyang pag una og order sa tindera.
Tua ra. Nakauna pa gyud ang way hinungdan ug order. Pero himala, gidaghan niyag order, nakapanguyab na guro ni adto sa chiks nga Tourism nga natipuhan niya niaging semana.
“Ako te—”
“Aynag order kay tunga rata ani,” sabat dayon nija. Napatingala rako magamay unya nitubag.
“Ha? Himala. Manglibre ka karon, nakauyab naman guro ka?” pang alaska nahu, nakatawa ang tindera.
“Sus, dawata nalaman ang libre dong kay kausa rana manglibre nis Jethro, ikaw pay una ana gilibrehan,” sabat ni ate habang gaprepare sijas among order.
“Lagi te,” mao nalang ahung natubag, nya nikatawa gamay.
Habang gahuwat mis order, nikalit siyag storya.
“𝘗𝘳𝘦, 𝘤𝘶𝘵𝘦 𝘬𝘢𝘢𝘺𝘰 𝘬𝘢,” ijang sulti nya nakaatubang nako. Tutok kaayog tinan awan.
Ako nga kaboang rag naas utok, ana ko, “Ikaw pod pre cute ka. Cute kusniton,” nya smile pakog pina sarcastic. Nismile raman hinoon sija.
“Bitaw pre, seryoso, cute kaajo kas panan aw nako ron,” pagseryoso nija, wa gihapon gi tanggal iyang pag lantaw sa akoa. Atay, malanay man pud ta sige siyag tutok.
Naunsa naman ning ahung pare oi, brusko, dakog lawas ug bright pero naka sense kog kaba karon.
“Gutom ra guro na pre oi,” nikatawa na nga murag nakulbaan, kay wako ka expect or unsay ika react nganong nainani siya today.
Musulti pa tana siya nya nisulti namag tindera na naa na among order. Ang ending, gakaon mi na awkward kaayo. Way tingogay sa tanan, wapako ka-process. tabang.
Nahuman namig kaon, naabtan nalang ug udto. Nagpadayon ang hilom, hantod pag sud, hantod ning tambay mi sa purok sa educ.
Gi clear ni Jethro iya tilaok. “Pre,” medyo tulala siya.
“Oh?”
“Dugay rako nimo na cute-an, sukad sauna pa,” niatubang siya.
“Eh? Sa-salamat p-pre, hahaha,” ana ko. Napakawot sa ahung ulo nalang.
“No joke pre, mu amin nako, crush naka nahu sauna pa,” nitutok siya nako nya nagduko. Mura noon siyag itoy na nanlood.
Pero wait. Unsa?
“Unsa pre? Unsa’y i amin nimo nahu?”
“Crush ka nahu pre, sukad first year. Argh. Uwawa ani.” ana siya nagduko nas lamesa.
Again, wako kareact. Ahung amigo since first year hantod karon fourth year kay nagka crush na nahu dugay ra. Bantog ra, iya kong happy pill daw kuno, happy bullyhon, happy arsa arsahon sa random na lugar. Ikaw Jethro ha…
“Ali diri Je,” ana ko. Gi hug nako siya, nisunod man pud sija. Na stiff siya gamay pero nibalos rag hug.
“Salamat kay imo kong crush Je, i appreciate it. Pero unta happy crush ra ha, kay actually I am straight, nya naa pod koy natipuhan aris Educ,” i hugged him tightly. Ag sija, mura rag nagaan ang pakiramdam.
“Bitaw Art, gusto rajud nahu na ipagawas, straight man sab ko. Pero there’s something man jud nimo na madrawn ko, wako kahibaw, pero salamat… salamat kay wara ka nalain after ko ni amin,”
Nipat kos iyang likod, nya ni smile nga nireply, “Gutom rana lage pre, haha, mego gihapon ta ‘uy. Kan on na nato imong burger nga gi take out bi. Hehe.”
Nikatawa sija. “Gutom? Napud?” nya gigawas niya ang burger nga medyo init-init pa.
“Lahi rajud ning naka-crush nahu ba,” ana ko pagdawat sa burger.
“Wana naka move-on nako oi, ni amin nako, mao nato pre,” reply niya.
Nagtinan-away mi nya nangatawa pareho, hapit ko matuk an sa sige namog pangatawa.
Sakto rako, basig sa gutom rajud diay ning nahitabo namong Je karon.